لاک ڈاؤن کی وجہ سے نقل مکانی کرنے والے مزدوروں کی مشکلات میں کمی کے کوئی آثار نظر نہیں آرہے ہیں جو اپنے آبائی مقامات کو روانہ ہورہے ہیں۔
ریاست تلنگانہ کے ضلع نرمل میں پیش آئے سڑک حادثہ میں نقل مکانی کرنے والے 9 مزدور زخمی ہوگئے۔
یہ حادثہ ضلع نرمل کے بھاگیہ نگر کے قریب اُس وقت پیش آیا جب لاری کے ڈرائیور نے اس کا توازن کھودیا اور یہ لاری تیز رفتاری کی وجہ سے ریلنگ سے ٹکراکر الٹ گئی۔
یہ مزدور حیدرآباد سے گورکھپور کی سمت جارہے تھے۔ اس لاری میں کئی مزدور سوار تھے۔
بتایاجاتا ہے کہ حادثہ کی وجہ تیز رفتاری ہے۔ زخمیوں کو علاج کے لئے اسپتال لے جایا گیا جبکہ دو زخمیوں کو بہتر علاج کے لئے حیدرآباد منتقل کردیاگیا۔
وزیر انڈومنٹ اندراکرن ریڈی فوری طور پراسپتال پہنچے اور صورتحال کا جائزہ لیا۔
انہوں نے ہدایت دی کہ 'دیگر نقل مکانی کرنے والے مزدوروں کو فوری طورپر علحدہ گاڑی میں گورکھپور روانہ کیاجائے۔'
