Ramesh Budhuri's abuse in Parliament دانش علی کا بی جے پی پر لوگوں کو لنچنگ کے لیے اکسانے کا الزام

جنوبی دہلی سے بی جے پی کے رکن پارلیمنٹ رمیش بدھوڑی کے بی ایس پی رکن پارلیمنٹ دانش علی کے خلاف انتہائی اشتعال انگیز اور فرقہ وارانہ تبصرے پر ہنوز سیاست جاری ہے۔ Row over Bidhuri's objectionable comments against MP Danish Ali

نئی دہلی: بہوجن سماج پارٹی کے رکن پارلیمنٹ کنور دانش علی نے الزام لگایا کہ بی جے پی لوگوں کو اکسانا اور ان کی جسمانی لنچنگ کرنا چاہتی ہے۔ امروہہ لوک سبھا کے رکن پارلیمنٹ دانش علی نے پیر کو صحافیوں کو بتایا کہ وہ ایوان میں وزیر اعظم نریندر مودی کا دفاع کر رہے تھے اور بی جے پی ممبران پارلیمنٹ ہنس رہے تھے۔ اگر یہ ثابت ہوگیا کہ انہوں نے وزیر اعظم کے خلاف 'نیچ' کا لفظ استعمال کیا ہے تو وہ سیاست چھوڑ دیں گے۔

انہوں نے کہا کہ بی جے پی کے رکن پارلیمنٹ نشی کانت دوبے پارٹی کے لئے پارلیمنٹ میں اہم اسپیکر ہیں اور وہ جس طرح کا بیانیہ بنانا چاہتے ہیں اس سے صاف ظاہر ہوتا ہے کہ اوپر سے احکامات آئے ہیں کہ لوگوں کو دانش علی کی لنچنگ کے لئے اکسایا جائے۔ انہوں نے حیرت کا اظہار کیا کہ بی جے پی کے قومی صدر جے پی نڈا رمیش بدھوڑی سے کیا پوچھنا چاہتے ہیں؟ بی جے پی کے صدر رمیش بدھوڑی سے یہ پوچھ رہے ہیں کہ انہوں نے ایسا کیوں کہا جب کہ انہوں نے کیا نازیبا الفاظ کہے اس کے تحقیقات کی ضرور کرنی چاہئے۔

بی ایس پی رکن پارلیمنٹ نے کہا کہ دراصل وہ ایوان وزیر اعظم کا دفاع کر رہے تھے۔ رمیش بدھوڑی نے پہلے وزیر اعظم کے حوالے سے نازیبا الفاظ استعمال کیے اور پھر میرے اور میری برادری کے خلاف نازیبا ریمارکس کیے۔ انہوں نے کہا کہ دانش علی نفرت کے کسی مکتب کا طالب علم نہیں ہے۔ میں وزیر اعظم کے عہدے کے وقار کو کبھی کم نہیں کر سکتا یہ میرے 'سنسکار' نہیں ہیں۔ جب سب کچھ ریکارڈ پر ہے تو جے پی نڈا رمیش بدھوڑی سے کیا پوچھنا چاہیں گے۔ کیا آپ اسے صحیح ٹھہرانے کے لیے کوئی نئی کہانی بنانے کی کوشش کر رہے ہیں؟

دریں اثناء عام آدمی پارٹی کے لیڈر سوربھ بھردواج نے کہا کہ جس طرح سے بی جے پی ممبران اسمبلی رمیش بدھوڑی کے حق میں کھڑے ہیں اور ان کا دفاع کر رہے ہیں، اس سے ظاہر ہوتا ہے کہ بی جے پی بدھوڑی کے کہے گئے الفاظ سے متفق ہے۔ بی جے پی چاہتی ہے کہ ایسے معاملات ہوتے رہیں۔

یو این آئی