ریاست میں حیدرآباد کے علاوہ تمام اضلاع میں آر ٹی سی بسوں کی آمد و رفت کو بحال کر دیا گیا۔ طویل عرصے تک خالی رہنے والی سڑکوں پر کافی ٹریفک دیکھی گئی ہے۔
حکومت نے آٹو میں 1+2 کی شرط پر حمل و نقل کی اجازت دی تھی لیکن اس کے باوجود سماجی فاصلے کی خلاف ورزی دیکھنے کو مل رہی ہے۔ ایک آٹو میں چار تا پانچ سواری دیکھی گئی۔
گریٹر حیدرآباد میونسپل کارپوریشن کی حدود میں کنٹینمنٹ زون کے علاوہ دیگر مقامات پر بازاروں کو کھولنے کی اجازت دی گئی ہے۔
اس سلسلے میں جی ایچ ایم سی نے لائحہ عمل ترتیب دیتے ہوئے طاق و جفت کی شرط پر دکانیں کھولنے کی اجازت دی ہے۔
وہیں عوام عید کی خریداری کے لئے بازاروں کا رخ کرنے لگے ہیں۔ بازاروں میں بھی سماجی فاصلے کی خلاف ورزی دیکھی گئی ہے۔ لگتا ہے کہ حکومت، لاک ڈاؤن میں نرمی کے ذریعے کورونا کو دعوت دے رہی ہے۔