لاک ڈاؤن: سڑک پر ہی عہدہ سے سبکدوشی کی تقریب

تلنگانہ میں لاک ڈاؤن پر سختی سے عمل کیا جارہا ہے۔

پولیس ہر طرح سے چوکس نظر آرہی ہے تاہم اس لاک ڈاون کے موقع پر ایک ایسا منظر دیکھا گیا جو حیران کن تھا۔

ریاست کے سوریہ پیٹ میں سب انسپکٹر پولیس عبداللہ کی وظیفہ پر سبکدوشی کی تقریب سڑک پر ہی منعقد کی جاسکی۔ اس لاک ڈاون کے اعلان کے بعد سے ہی وہ بندوبست پر مامور تھے اور ڈیوٹی انجام دینے میں کافی مصروف تھے۔

انہوں نے شام تک ڈیوٹی کی اورگزشتہ روز سبکدوش ہوگئے۔ ان کی سبکدوشی کی خاص بات یہ رہی کہ اعلی عہدیدار وہاں پہنچے اور ان کی سبکدوشی کی چھوٹی سی تقریب وہیں سڑک پر منعقد کرتے ہوئے ان کی خدمات کی ستائش کی۔