مہدی پٹنم ڈویژن سے مجلس کی کامیابی

گریٹر حیدرآباد میونسپل کارپوریشن انتخابات کے ووٹوں کی گنتی کا عمل آج صبح 8 بجے سے شروع ہوگیا ہے جبکہ شام تک مکمل نتائج کی اجرائی عمل میں آنے کی توقع ہے۔

جی ایچ ایم سی انتخابات میں مہدی پٹنم سے مجلسی امیدوار ماجد حسین نے شاندار کامیابی حاصل کی۔ انہوں نے 11818 ووٹ حاصل کئے۔ ماجد حسین مجلس کے سینئر رہنما اور سابق میئر ہیں۔ اس حلقہ سے دوسرے مقام پر بی جے پی کے امیدوار رہے۔

جی ایچ ایم سی ابتدائی رجحانات میں بی جے پی کو زبردست سبقت حاصل ہوئی ہے۔ پہلے مرحلہ کے تحت پوسٹل بیلٹ کاوٹنگ عمل میں آئی جس میں بی جے پی نے شاندار مظاہرہ کیا۔ بی جے پی کو 87 ڈویویژنز پر سبقت حاصل ہے جبکہ ٹی آر ایس دوسرے اور ایم آئی ایم تیسرے مقام پر ہے۔

حیدرآباد کو مجلس کا گڑھ مانا جاتا تھا جبکہ حیدرآباد بلدیہ میں متعدد مرتبہ مجلس کے میئر منتخب ہوئے تھے اور کئی مرتبہ مجلس کی تائید سے میئر مقرر کئے گئے تھے لیکن اس مرتبہ جی ایچ ایم سی انتخابات میں بی جے پی کا شاندار مظاہرہ مجلس اور ٹی آر ایس کی مقبولیت پر ایک سوالیہ نشان کے مترادف ہوگا۔