تلنگانہ میں کورونا وائرس کے معاملات میں اضافہ ہوا ہے۔ یہ مثبت معاملات اب 3018 ہوگئے ہیں۔
ریاست میں دس اموات بھی ہوئی ہیں جس کے بعد اس مرض سے مرنے والوں کی تعداد 760ہوگئی ہے۔
منگل کی شب تک جملہ 29,146 نمونوں کی جانچ کی گئی اور ہنوز 1176 رپورٹس کا انتظار ہے۔
ریاست میں کورونا کے 10,82,094 نمونوں کی جانچ کی گئی۔ محکمہ صحت وطبابت کی جانب سے جاری کردہ بلیٹن میں کہا گیا ہے کہ ریاست میں 25,685 سرگرم معاملات درج کئے گئے ہیں۔
جی ایچ ایم سی کے حدود میں 475 نئے مثبت معاملات درج کئے گئے جس کے بعد ضلع رنگاریڈی کا نمبرآتا ہے جہاں 247، میڑچل ملکاجگری میں 204، نلگنڈہ میں 190 اور کھمم ضلع میں 161 معاملات درج کئے گئے۔ بقیہ نئے معاملات ریاست کے دیگر اضلاع میں درج کئے گئے۔
مہاراشٹر، آندھراپردیش اور تملناڈو سمیت مختلف ریاستوں سے موصولہ اطلاع کے مطابق آج دیر رات تک 61,564نئے معاملے سامنے آنے سے متاثرین کی تعداد 32 لاکھ 26 ہزار 446 ہوگئی ہے جبکہ اس وبا سے مرنے والوں کی تعدداد 59,566ہوگئی ہے۔