Helicopter Incident جموں و کشمیر میں ہیلی کاپٹر حادثہ میں ہلاک تلنگانہ کے فوجی کی آخری رسومات

مہلوک انل کا تعلق تلنگانہ میں ضلع بوئن پلی منڈل کے ملکاپور سے ہے۔ وہ گذشتہ 11 سال سے فوج میں خدمات انجام دے رہے تھے۔ وزیر سیول سپلائز جی کملاکر، تلنگانہ بی جے پی کے سربراہ بنڈی سنجے، منصوبہ بندی کمیشن کے نائب صدر ونود کمار، چپہ ڈنڈی کے ایم ایل اے روی شنکر اور سابق ایم ایل اے ڈی شوبھا نے قبل ازیں انل کو خراج پیش کیا اور ملک کیلئے ان کی خدمات کو یاد کیا۔

جموں وکشمیر میں ہیلی کاپٹر حادثہ میں ہلاک بھارتی فوج میں ٹکنیشین کے طور پر خدمات انجام دینے والے انل کی آخری رسومات تمام فوجی اعزازات کے ساتھ آج تلنگانہ کے ضلع راجنا سرسلہ میں انجام دی گئیں۔ انل کا تعلق تلنگانہ کےضلع بوئن پلی منڈل کے ملکاپور سے ہے۔ وہ گذشتہ 11سال سے فوج میں خدمات انجام دے رہا تھا۔ وزیرسیول سپلائز جی کملاکر،تلنگانہ بی جے پی کے سربراہ بنڈی سنجے، منصوبہ بندی کمیشن کے نائب صدر ونود کمار، چپہ ڈنڈی کے ایم ایل اے روی شنکر اور سابق ایم ایل اے ڈی شوبھا نے قبل ازیں انل کوخراج پیش کیا اور ملک کیلئے ان کی خدمات کو یاد کیا۔

آخری رسومات کے موقع پر مقامی افراد کی بڑی تعداد موجود تھی جنہوں نے ان کے غمزدہ ارکان خاندان کو پُرسہ دیا۔ اس موقع پر ملکاپور جئے جوان کے نعروں سے گونج رہا تھا۔عوام نے انل امر رہے جیسے نعرے لگائے۔ گذشتہ روز انل کی لاش کو ایک خصوصی طیارہ کے ذریعہ حیدرآباد کے حکیم پیٹ ایئر فورس اسٹیشن لائی گئی، جہاں تلنگانہ اور آندھرا سب ایریا کے جنرل آفیسر کمانڈنگ میجر جنرل راکیش کے علاوہ دیگر نے ان کو خراج پیش عقیدت کیا۔

انل نے 2011 میں فوج میں شمولیت اختیار کی تھی اور ٹیکنیکل ڈپارٹمنٹ میں خدمات کا آغاز کیا تھا۔انل کے پسماندگان میں ان کی اہلیہ سوجنیا اور دوبیٹے شامل ہیں۔

یواین آئی وخ