'شرائط کی عدم تکمیل پر اراضی واپس لی جائے'

عرضی گزار نے عدالت سے کہا کہ کچھ غریبوں کو مفت علاج کرنے کی شرط پر حکومت نے نجی ہسپتالوں کو اراضی دی ہے۔

تلنگانہ ہائیکورٹ نے پھر ایک بار نجی ہسپتالوں میں زیادہ فیس کی وصولی پر سخت ردعمل دیتے ہوئے حکومت کو ہدایت دی کہ اگر نجی ہسپتال شرائط کی خلاف ورزی کرتے ہیں، تو ان ہسپتالوں کی اراضیات کو واپس لے لیا جائے۔

ہائیکورٹ نے او ایم دیبرا نامی شخص کی داخل کردہ عرضی پر سماعت کرتے ہوئے حکومت کو یہ ہدایت دی۔

اس عرضی میں عرضی گزار نے کہا کہ کچھ غریبوں کو مفت علاج کرنے کی شرط پر حکومت نے نجی ہسپتالوں کو اراضی دی ہے۔ اس میں کہا گیا کہ اپولو،بسواتارکم ہسپتالوں میں غریبوں کا مفت علاج نہیں کیا جارہا ہے۔

اس ضمن میں عدالت نے حکومت سے سوال کیا کہ جب ہسپتال مفت علاج نہیں کررہے ہیں تو ان زمینوں کو واپس کیوں نہیں لیا جارہا ہے۔

اس موقع پر عدالت نے کہا صرف لائیسیز منسوخ کرنے سے کام نہیں چلے گا ان کے خلاف کاروائی کی جانی چاہئے،اس ضمن میں ہائیکورٹ نے اپولو،بسواتارکم ہسپتالوں سے متعلق رپورٹ داخل کرنے حکومت کو ہدایت دی۔