'کوللو رویندرا کی گرفتاری کا مقصد پسماندہ طبقے کی آواز کو دبانا ہے'

چندرابابو نائیڈو نے کہا کہ وائی سی پی حکومت بی سی کمیونٹی کے خلاف ہے اور یہی وجہ ہے کہ جب ایک بی سی رہنما بدعنوانی کے خلاف آواز اٹھاتا ہے تو اس پر کارروائی ہوتی ہے۔

ٹی ڈی پی رہنما کوللو رویندرا کی گرفتاری پر تیلگو دیشم کے صدر چندرابابو نائیڈو اور سینئر رہنماوں نے مذمت کی۔

چندرابابو نائیڈو نے کہا کہ وائی سی پی حکومت بی سی کمیونٹی کے خلاف ہے اور یہی وجہ ہے کہ جب ایک بی سی رہنما بدعنوانی کے خلاف آواز اٹھاتا ہے تو اس پر کارروائی ہوتی ہے۔

انھوں نے کہا کہ آج تہوار کا دن ہے اور آج کے دن ایک بی سی فرد کے خلاف کارروائی ہوئی ہے جو انتہائی قابل مذمت ہے۔

اس ضمن میں تیلگو دیشم کے ریاستی صدر اچن نائیڈو نے کوللو رویندرا کی گرفتاری پر برہمی کا اظہار کیا اور کہا کہ یہ بدلے کی کارروائی ہے۔

ادھر نارا لوکیش نے اس کی مذمت کی۔ لوکیش نے کہا کہ اگر گرفتاریوں سے ڈرانے کی کوشش کی گئی تو مزید شدت سے احتجاج کیا جائے گا۔