گنیش کی مورتی کے سائز پر تمام شکوک وشبہات کو دور کرتے ہوئے حیدرآباد کی خیریت آباد گنیش اتسو سمیتی نے اعلان کیا کہ اس مرتبہ گنیس کی مورتی کا سائز صرف 9فیٹ ہی ہوگا۔
قبل ازیں اس تعلق سے شردھالووں میں کافی شکوک اور خدشات پائے جاتے تھے۔ریاستی دارالحکومت حیدرآباد کے علاوہ تلنگانہ اور آندھراپردیش کے کئی علاقوں سے شردھالوووں کی بڑی تعداد یہاں گنیش کی مورتی کی پوجا کےلیے آتی ہے۔گنیش کے منڈپ کے آرگنائزرز نے کہا کہ کورونا وبا کی وجہ سے اس سال یہ فیصلہ کیاگیا ہے۔
قبل ازیں پجاریوں نے مورتی کی تیاری کے لئے پہلی پوجا کی۔کمیٹی نے کہاکہ کورونا اور حکومت کی ہدایت پر اس مرتبہ مورتی کا سائز کم کرنے کا فیصلہ کیاگیا۔کمیٹی نے شردھالووں سے اپیل کی کہ وہ درشن کے لئے نہ آئیں۔ہر سال بڑی تعداد میں سیاست دانوں کے ساتھ ساتھ اہم شخصیات خیریت آباد گنیش کی مورتی کی پوجا کرتے ہیں۔
کورونا وائرس کی وجہ اس برس گنیش مورتی کا سائز کم رکھا گیا اور بڑے پیمانے پر تقاریب کے انعقاد سے پرہیز کرنے کا منصوبہ ظاہر کیا گیا ہے۔
یہ بھی پڑھیں:'آج کا دن ہندتوا کی فتح اور جمہوریت کی شکست کا دن ہے'