جامعہ نظامیہ: وصولی چرم قربانی موقوف

'وبائی حالات، کارکنان وصولی کی عدم دستیابی اور ممکنہ خطرات سے حفاظت کے لیےچرم قربانی کی وصولی کو موقوف کرنے کا فیصلہ کیا گیا ہے۔'

کورونا وائرس کی وجہ سے جو حالات پیدا ہوگئے ہیں وہ کسی سے پوشیدہ نہیں۔ ایسے میں جامعہ نظامیہ حیدرآباد کی جانب سے یہ فیصلہ کیا گیا ہے کہ سال حال جامعہ نظامیہ کی جانب سے چرم قربانی کی وصولی کا کام موقوف کیا جائے۔

بتایاگیا کہ وبائی حالات، کارکنان وصولی کی عدم دستیابی اور ممکنہ خطرات سے حفاظت کی خاطر یہ فیصلہ کیا گیا ہے۔ امید ہے کہ صورتحال کو محسوس کرتے ہوئے محبیین و معاونین جامعہ نظامیہ کو چرم قربانی روانہ کرنے کی زحمت نہیں کریں گے۔

اس ضمن میں ذمہ دارن ذیلی مراکز سے بطور خاص خواہش کی گئی ہے کہ وہ چرم قربانی عطیہ دینے والوں کو مطلع کریں اور اپنے مراکز پر چرم جمع نہ کریں۔ ان شاء اللہ آئندہ سال حسب معمول نظام جاری رہے گا۔

جامعہ نظامیہ جنوبی ہند کی عظیم دینی درسگاہ ہے،جہاں سے لاکھوں طلبا علم دین سے فیضیاب ہوکرملک وبیرون ملک میں اشاعت دین کی خدمات انجام دے رہے ہیں۔