جماعت اسلامی کے زیراہتمام ہیلپنگ ہینڈ کے تعاون سے راشن کٹس کی تقسیم

شہر حیدرآباد کے یاقوت پورہ کے مختلف علاقوں کے غریب مستحق مسلم خاندانوں میں ہیلپنگ ہینڈ فار ریلیف اینڈ ڈیولیپمنٹ اور اسلامک سوشیل سرویس سوسائٹی، حیدرآباد کے تعاون و اشتراک سے جماعت اسلامی ہند یاقوت پورہ کے زیر اہتمام رمضان راشن کٹس کی تقسیم عمل میں آئی۔

امیرمقامی جماعت اسلامی ہند یاقوت پورہ محمد عمادالدین کی نگرانی میں علاقہ کے مستحق مسلم خاندانوں کی نشاندہی کرتے ہوئے ان تک کھانے پینے کی اشیاء پہنچائی گئیں۔

اس موقع پر امیرمقامی جماعت اسلامی ہند یاقوت پورہ محمدعمادالدین نے کہا کہ لاک ڈاؤن کی وجہہ سے غریب اور متوسط طبقہ سخت پریشان حال ہے۔

انہوں نے صاحب خیر حضرات سے اپیل کی موجودہ حالات کے پیش نظر ماہ صیام میں اپنے رشتہ داروں، پڑوسیوں اور ضرورت مندوں کا خاص خیال رکھیں۔ اسکے علاوہ انہوں نے سادگی کے ساتھ عید منانے کا مشورہ دیا۔

محمد کلیم الدین، محمد یوسف اسلامی و دیگر کارکنان جماعت اسلامی یاقوت پورہ اس موقع پر موجود تھے۔