جگتیال کے نائب سرپنچ نے خودکشی کرلی

شبہ ہے کہ سائی کمارنے خاندانی تنازعات کی وجہ سے یہ انتہائی اقدام کیا اور کیڑے مار دوا کا استعمال کیا۔

جگتیال ملاپور منڈل میں سرپور کے نائب سرپنچ 42 سالہ سائی کمار نے ہفتے کے روز خود کشی کرلی۔

پولیس کے مطابق سائی کمار اپنے گھر میں مردہ پایا گیا جب افراد خاندان نے اسے جگانے کی کوشش کی۔

شبہ ہے کہ سائی نے خاندانی تنازعات کی وجہ سے یہ انتہائی اقدام کیا اور کیڑے مار دوا کا استعمال کیا ہے۔ اطلاع ملنے پر پولیس فوری یہاں پہونچ گئی اور کیس درج کرکے تحقیقات کا آغاز کردیا ہے۔ لاش کو پوسٹ مارٹم کیلئے سرکاری دواخانہ منتقل کردیا گیا۔

رکن اسمبلی کورٹلہ کے ودیاساگر راو نے ڈپٹی سرپنچ کی خود کشی پر افسوس کا اظہار کیا ہے۔