آندھراپردیش میونسپل انتخابات: وائی ایس ایس کانگریس کی شاندار کامیابی

آندھراپردیش بلدی انتخابات میں وائی ایس آر کانگریس پارٹی نے شاندار کامیابی حاصل کرتے ہوئے اپوزیشن تلگودیشم کو سیاسی طور پر کافی پیچھے ڈھکیل دیا۔

آندھراپردیش میں حکمراں جماعت وائی ایس آر کانگریس نے بلدی انتخابات میں اپوزیشن تلگودیشم شکست سے دوچار کردیا۔ وائی ایس آر کانگریس نے 75 میونسپالٹیز اور 11 میونسپل کارپوریشن میں شاندار کامیابی حاصل کرتے ہوئے تلگودیشم کا صفایا کردیا۔

جہاں ایک طرف بلدی انتخابات میں تلگودیشم کو کراری شکست ہوئی وہیں بی جے پی اور جے ایس پی کو بھی کچھ خاص فائدہ نہیں ہوا جبکہ کانگریس پارٹی منظر سے پوری طرح غائب رہی۔

وائی ایس آر کانگریس نے شاندار جیت کو عوام کی جانب سے وزیراعلیٰ جگن موہن ریڈی کی قیادت پر اٹوٹ بھروسہ سے تعبیر کیا ہے۔ پارٹی نے بتایا کہ گذشتہ 22 ماہ سے وائی ایس جگن موہن ریڈی کی زیرقیادت حکومت ریاست کی ترقی میں مصروف ہے۔

وائی ایس آر نے کل 75 میونسپالٹیز میں سے 67 پر قبضہ جمالیا اور دیگر 7 پر آگے چل رہی ہے۔ ووٹوں کی گنتی کا سلسلہ جاری ہے۔