وقت کے ساتھ ان کلاک ٹاورز کی خوبصورتی و اہمیت جاتی رہی انتظامیہ کی عدم توجہ کے باعث نہ صرف گھڑیوں بلکہ کلاک ٹاورز کی حالت بھی خستہ ہوگئی۔
حکومت تلنگانہ نے قدیم کلاک ٹاورز کی تزئین کا بیڑہ اٹھایا۔ اسی پروجیکٹ کے تحت آنے والے معظم جاہی مارکٹ کلاک ٹاور کی بھی تزئین کی گئی اور اس میں نصب چاروں روایتی گھڑیوں کی جگہ اب عصری ٹیکنالوجی سے لیس جی پی ایس تکنیک کی حامل گھڑیاں نصب کی گئیں۔
برقی سے چلنے والی ان گھڑیوں کی خاص بات یہ کہ یہ گھڑیاں سیٹلائٹ سے مربوط ہوتی ہیں اگر برقی منقطع بھی ہوجائے تو دوبارہ برقی آنے پر یہ از خود وقت کو درست کرنے کی صلاحیت رکھتی ہیں۔
رمیش واچ کمپنی کو اس کی ذمہ داری سونپی گئی ہے۔ کمپنی کے مالک لکشمن نے بتایا کہ ان گھڑیوں میں قدیم طرز کی گھڑیوں کی طرح ہر گھنٹہ آواز بھی گونجے گی جو کافی دور تک سنائی دے گی۔ ان گھڑیوں میں خودکار لائٹس کا نظام بھی موجود ہے جو مقررہ وقت پر از خود روشن ہو جاتی ہیں۔ ان گھڑیوں کی تنصیب کے بعد کلاک ٹاور کی رونق بحال ہو جائے گی۔