زخمی صحافی کی موت

صحافی بُچنا کی موت پر صحافیوں کی تنظیم ٹی یو ڈبلیو جے نے گہرے دکھ کا اظہار کیا۔

تلنگانہ کے ضلع عادل آباد سے تعلق رکھنے والے صحافی کی سڑک حادثے میں زخمی ہونے کے بعد موت ہوگئی۔

تفصیلات کے مطابق تلنگانہ کے ضلع عادل آباد کے ماولا منڈل سے تعلق رکھنے والے 51 سالہ بُچیا جمعہ کی شب اپنی بائیک پر گھر واپس ہورہے تھے کہ انہوں نے رام نگر کے قریب اپنی بائیک کا توازن کھودیا جس کے نتیجہ میں وہ گر پڑے۔

انہیں بہتر علاج کے لئے مہاراشٹر کے وردھا منتقل کیا گیا کیونکہ ان کے سر پر شدید زخم لگے تھے، جہاں علاج کے دوران ان کی موت ہوگئی۔

ان کی آخری رسومات پیر کو انجام دی جائیں گی کیونکہ لاش کا کورونا معائنہ کرنا ضروری ہے۔ ان کے پسماندگان میں اہلیہ کے علاوہ دو دختران شامل ہیں۔ صحافی بُچنا کی موت پر صحافیوں کی تنظیم ٹی یو ڈبلیو جے نے گہرے دکھ کا اظہار کیا۔

یونین کے ضلع صدر بی رمیش، جنرل سکریٹری ایل راجو، نائب صدر انور، خازن ایس پراوین اور دیگر نے ان کے ارکان خاندان سے تعزیت کا اظہار کیا۔