حیدرآباد کے ایک سافٹ ویئر انجینئر کا انتہائی بے دردی سے قتل کردیا گیا۔ نامعلوم افراد نے انجینئر کے قتل کے بعد اس کی لاش کو جلا ڈالا۔ یہ واردات تلنگانہ کے سنگاریڈی ضلع کے جنارام میں پیش آئی۔ تفصیلات کے مطابق حیدرآباد کے کوکٹ پلی ہوزنگ بورڈ کالونی کے رہنے والے 25 سالہ سافٹ ویئر انجینئر نارائن ریڈی نے ایک سال قبل محبت کی شادی کی تھی۔ ان کی شادی لڑکی کے گھر والوں کو پسند نہیں تھی اور لڑکی کے گھر والے شادی کے بعد لڑکی کو زبردستی اپنے گھر لے گئے۔ تب سے ان دونوں کی ملاقات ختم ہوگئی۔ لیکن بتایا گیا ہے کہ لڑکی چند دنوں سے نارائن ریڈی سے فون پر گفتگو کرتی تھی اس بات کا علم گھر والوں کو ہوگیا اور انھوں نے لڑکی کی کافی سرزنش بھی کی۔ اس دوران نارائن ریڈی اچانک لاپتہ ہوگیا اور 30 جون کو اس کے گھر والوں نے پولیس اسٹیشن میں نارائن ریڈی کی گمشدگی کی رپورٹ بھی درج کروائی۔ آج صبح پولیس کو جنارم کے جنگلات میں جلی ہوئی لاش برآمد ہوئی جو نارائن ریڈی کی تھی۔ پولیس نے مقدمہ درج کرتے ہوئے جانچ کا آغاز کردیا۔ لڑکی کے گھر والوں پر اس قتل میں شبہ ظاہر کیا جارہا ہے۔ Murder of a Software Engineer
Murder of a Software Engineer: حیدرآباد میں سافٹ ویئر انجینئر کے قتل کے بعد لاش کو جلا دینے کی واردات
پولیس کو جنارم کے جنگلات میں جلی ہوئی لاش برآمد ہوئی جو نارائن ریڈی کی تھی۔پولیس نے مقدمہ درج کرتے ہوئے جانچ شروع کردی۔ Murder of a Software Engineer
حیدرآباد میں سافٹ ویئر انجینئر کے قتل کے بعد لاش کو جلا دینے کی واردات