تلگو دیشم پارٹی کے قومی صدر و سابق وزیراعلی این چندرابابونائیڈو نے کہا ہے کہ 'طوفان امفان کے سبب اوڈیشہ اور مغربی بنگال میں ہوئی بڑے پیمانہ پر تباہی پر ان کو دکھ ہوا'۔
انہوں نے مائیکرو بلاگنگ سائٹ ٹوئیٹر پر کہا کہ 'کئی قیمتی جانیں ضائع ہوگئیں اور ہزاروں افراد بے گھر ہوگئے'۔
قبل ازیں طوفان ہدہد نے شمالی آندھرا میں تباہی مچائی تھی تاہم لوگ ایک دوسرے کے ساتھ اٹھ کھڑے ہوئے اور حکومت کے تعاون سے وہ قدرتی آفات سماوی کی عواقب سے باہر نکلنے میں کامیاب رہے۔
نائیڈو نے کہا ہے کہ 'میں دونوں متاثرہ ریاستوں کی بہتری کے لئے نیک تمناوں ک اظہار کرتا ہوں اور یہ امید کرتا ہوں کہ ریاستی حکومتوں اور مرکز کے بروقت تعاون کے ذریعہ عوام اس مصیبت سے باہر نکلنے میں کامیاب ہوں گے'