کورونا بحران: بہترین خدمات انجام دینے والے ڈاکٹر کو ایوارڈ

کورونا بحران کے دوران جہاں حیدرآباد میں ہلاکتوں کی تعداد میں اضافہ ہو رہا تھا۔ اس مہلک وبا کے ماحول میں حیدرآباد کے مشیرآباد سے تعلق رکھنے والے ڈاکٹر محمد منہاج الدین احمد عوامی خدمات میں مصروف تھے-

کورونا وائرس لاک ڈاون کے دوران عوامی خدمات انجام دینے والے حیدرآبای ڈاکٹر کو ملک کے ایک انگریزی اخبار نے انعام سے نوازا ہے۔

کورونا بحران کے دوران جہاں حیدرآباد میں ہلاکتوں کی تعداد میں اضافہ ہو رہا تھا، اس مہلک بیماری کے ماحول میں مشیرآباد سے تعلق رکھنے والے ڈاکٹر محمد منہاج الدین احمد عوامی خدمات میں مصروف تھے۔

ڈاکٹر منہاج الدین ایک نجی ہسپتال میں خدمات انجام دیتے ہیں۔ لاک ڈاؤن کے دوران انہوں نے عوام کی سہولت کے لیے دوا، ٹیسٹ اور علاج کے فرائض جاری رکھے۔ کئی ہزار لوگوں کا مفت میں علاج کیا اور داو، ماسک اور دیگر اشیاء تقسیم کیں جس کی وجہ سے ہزاروں لوگوں کو راحت ملی۔

ایک طرف جہاں ہسپتالوں میں علاج کے نام پر مریضوں سے زیادہ فیس لی جارہی تھی تو دوسری طرف کئی ہسپتالوں میں لوگوں کا علاج کرنے سے انکار کیا جارہا تھا- ان حالات میں مذکورہ ڈاکٹر نے مریضوں کا علاج کیا۔ ان کی قابل ستائش خدمات کی ستائش کرتے ہوئے ایک انگریزی اخبار نے ڈاکٹر منہاج الدین احمد کو کووڈ - 19 ہیرو کے ایوارڈ سے نوازا ہے۔

اس ضمن میں ڈاکٹر منہاج الدین احمد نے شکریہ ادا کیا۔