Hyderabad woman commits suicide on Live Chat غیر مسلم شخص سے شادی کرنے والی ثنا نے خودکشی کرلی

تلنگانہ کے حیردآباد میں غیرمسلم شخص سے شادی کرنے والی مسلم لڑکی ثنا نے لائیو ویڈیو چاٹ کرتے ہوئے پھانسی لے کر خودکشی کرلی۔ خودکشی سے قبل ثنا نے شوہر اور سسرال والوں پر شدید ہراسانی کا الزام عائد کیا۔

ریاست تلنگانہ کے دارلحکومت حیدرآباد کے ناچارم میں آج صبح ثنانامی خاتون نے غیرمسلم سسرال والوں اور شوہر کی ہراسانی سے تنگ آکر اپنے رشتہ داروں کے ساتھ ویڈیو کال کرتے ہوئے اپنی پریشانی بتائی اور پنکھے سے لٹک کر خودکشی کر لی جبکہ اسی چھت کے اوپر ثنا کے والدین کا مکان ہے۔ والدین کو بیٹی کی خودکشی کی خبر نہیں ہوئی۔ رشتہ داروں نے فون پر ثنا کی خودکشی اطلاع دی جس پر اس کے والدین فوری نیچے فلور پر بیٹی کے فلیٹ پہنچے لیکن تب تک ثنا کی موت ہوچکی تھی-

ثنا کی والدین کے مطابق 5 سال قبل دہلی میں ثنا کی ملاقات راجستھان کے ہیمنت پٹیل نامی نوجوان سے ہوئی تھی اور ان دونوں کی دوستی محبت میں بدل گئی۔ تین سال قبل ہیمنت نے حیدرآباد میں ثنا کے والدین سے ملاقات کرتے ہوئے شادی کی پیشکش کی اور مذہب تبدیل کرنے کا وعدہ کرتے ہوئے ہیمنت نے شمشیر نام رکھ لیا۔ دونوں خاندانوں کی رضامندی سے شادی ہوئی تھی اور انہیں تین سال کا لڑکا بھی ہے۔ والدین نے ہیمنت پر ثنا کو ہراساں و تنگ کرنے کا الزام عائد کیا اور اسے ثنا کی موت کا ذمہ دار قرار دیا۔ خودکشی کا واقعہ حیدرآباد کے ناچارم میں پیش آیا۔