تریپورہ میں چند ہندو تنظیموں کی جانب سے بنگلہ دیش میں ہوئے پُر تشدد واقعات کے خلاف احتجاج کے دوران مساجد، اور مسلمانوں کے مکان اور دکان پر حملے کیے گئے۔ان کے خلاف حیدرآباد میں غلامان مصطفی کمیٹی کے صدر سرفراز خان کی نگرانی میں مرکزی حکومت کے خلاف احتجاجی مظاہرہ کیا گیا۔
تریپورہ کے مسلمانوں پر ظلم وزیادتی کے خلاف احتجاجی مظاہرہ یہ بھی پڑھیں:تریپورہ تشدد سوچی سمجھی سازش کا نتیجہ: کلیم الحفیظ
اس موقع پر غلامان مصطفی کمیٹی کے صدر سرفراز خان نے نے کہا تریپورہ میں گزشتہ آٹھ دنوں سے مسلمانوں پر حملے کئے جارہے ہیں۔وہاں پر کئی مساجد کونقصان پہنچا یا گیا ہے۔قرآن مجید کی بے حرمتی کی گئی ہے۔رسول اللہ محمدﷺکی شان اقدس میں گستاخی کی جارہی ہے- مسلمان اس کو ہرگز برداشت نہیں کرے گا-
انہوں نے مسلمانوں سے اپیل کی ہے کہ وہ اپنے گھروں سے نکلیں اور جمہوری دائرے میں رہتے ہوئے تریپورہ کے مسلمانوں حق کے لئے احتجاج کریں۔
