حیدرآباد: وزیر تعلیم پی سبیتا اندرا ریڈی کی طرف سے میٹرو ریل کو کنڈوکور تک توسیع دینے کی درخواست کا مثبت جواب دیتے ہوئے وزیر اعلیٰ نے اسے ایک حقیقی مطالبہ قرار دیا اور کہا کہ اس پر فوری غور کیا جائے گا۔ انھوں نے کہا میٹرو ریل لائن کے ابتدائی مراحل میں شمس آباد ہوائی اڈے کی شمولیت کم سے کم تھی۔
لیکن جس طرح سے اس وقت کے حکمرانوں نے اسے چھوڑ دیا وہ جواز کے منافی تھا۔ یہ ایک بڑی غلطی تھی اور اسے ہر طرح سے سدھارنے کی ضرورت تھی۔تب 6000 کروڑ روپے کی لاگت سے گمشدہ لنک کو ہوائی اڈے سے جوڑنے کے لیے ٹینڈر طلب کیے گئے تھے۔میٹرو کی توسیع سے متعلق انہوں نے کہا، ’’میں خود بہت جلد اسے مہیشورم حلقہ تک مزید توسیع دینے کی ذمہ داری اٹھاؤں گا
انہوں نے کہا کہ ایل بی نگر-بی ایچ ای ایل کے تمام راستوں کے ساتھ میٹرو ریل کا رابطہ درحقیقت ضروری تھا۔ اگرچہ نیٹ ورک کو ایل بی نگر کے سرے تک بڑھا دیا گیا تھا، لیکن اسےبی ایچ ای ایل کی سمت میں لاگو کیا جانا باقی تھا مگر اب جلد ہی اس کا احاطہ کیا جائے گا۔ انہوں نے وزیر کی درخواست پر غور کرتے ہوئے مہیشورم حلقہ کے لئے ایک میڈیکل کالج کا بھی اعلان کیا۔
اس موقع پر وزیر اعلیٰ کے سی آر نے وزیر تعلیم سے مخاطب ہوکر کہا یہ فیصلہ کرنا ان پر منحصر ہوگا کہ حلقہ میں میڈیکل کالج کہاں قائم کیا جائے،" اس کے علاوہ چندر شیکھر راؤ نے تمولور گرام پنچایت میں ایک پاور سب اسٹیشن کی منظوری، اور ہر گرام پنچایت کو 15 لاکھ روپے کی گرانٹ اور اسمبلی حلقہ میں ہر میونسپلٹی کو 25 لاکھ روپے دینے کا اعلان کیا۔
