حیدرآباد: مغویہ کیس 20 گھنٹوں میں حل

حیدرآباد ایسٹ زون افضل گنج پولیس نے ایک انتہائی حساس اغوا (کڈنیپنگ) کیس کو حل کیا ہے، جس میں تین سالہ کمسن کو بحفاظت 20 گھنٹوں کی قلیل مدت میں آزاد کرالیا گیا۔

حیدرآباد میں سٹی پولیس کمشنر انجنی کمار نے ایک پریس کانفرنس میں بتایا کہ گزشتہ روز پیش آئے مغویہ معاملے کو حل کر لیا گیا ہے۔

انہوں نے بتایا کہ مغویہ میں ملوث دو ملزمین کو بھی حراست میں لے لیا گیا ہے۔ کمشنر سٹی پولیس انجنی کمار نے میڈیا کانفرنس سے بات کرتے ہوئے تفصیلات سے واقف کروایا۔

انہوں نے بتایا کہ گزشتہ یوم تین سالہ لڑکی اونتیکا کے بس اسٹینڈ سے اغوا ہونے کی شکایت اس کے والدین سنگیتا جیا لکشمی رامانجیلو چوکیدار نے درج کروائی، جس پر پولیس نے اولیت کی اساس پر کاروائی کی اور 20 گھںٹوں کی مدت میں کیس کو حل کرلیا گیا۔