حیدرآباد: 400 سالہ قدیم غیر آباد قطب شاہی مسجد کا افتتاح

تلنگانہ وقف بورڈ کے چیئرمین محمد سلیم نے 400 سالہ قدیم قطب شاہی غیر آباد مسجد کا نماز ظہر سے افتتاح کیا۔

حیدرآباد کے گچی باولی علاقہ میں قطب شاہی دور کی ایک 400 سالہ قدیم مسجد ہے، جو کئی برسوں سے غیر آباد تھی۔

کچھ شرپسند مسجد کے تقدس کو پامال کر رہے تھے، اس کی اطلاع مقامی عوام نے وقف بورڈ کو دی۔ جس پر وقف بورڈ کے چیئرمین محمد سلیم نے اطلاع ملتے ہی مقامی مسجد کا دورہ کیا اور مسجد کی مرمت کا کام شروع کرایا۔

حیدرآباد: 400 سالہ قدیم غیر آباد قطب شاہی مسجد کا افتتاح

آج مسجد کا افتتاح نماز ظہر سے کیا گیا۔ چیئرمین محمد سلیم نے نماز ظہر کی امامت کی۔ اس موقع پر محمد سلیم نے کہا کہ مسجد کے تحت 35 گنڈ اراضی ہیں اس کا بھی تحفظ کیا جائے گا۔