حیدرآباد کی لڑکی کا امریکہ میں قتل

امریکہ کے شکاگو میں حیدرآباد سے تعلق رکھنے والی ایک 19 سالہ طالبہ پر جنسی حملہ کرتے ہوئے اس کا قتل کر دیا گیا ہے۔

حیدرآباد کی لڑکی یونیورسٹی آف ایلی نیوس کی طالبہ تھی جو کار کے پچھلی نشست پر مردہ پائی گئی۔ پولیس نے اس واردات کے سلسلہ میں 26 سالہ ڈونالڈ ترمین کو گرفتار کر لیا ہے۔ لاش کے پوسٹ مارٹم سے لڑکی کا گلا دبانے سے اس کی موت کی تصدیق ہوئی ہے۔

اطلاعات کے مطابق یہ لڑکی ہفتہ سے لاپتہ تھی۔ اس کے خاندان والے اس کو تلاش کر رہے تھے۔ پولیس نے اس کے فون کی بنیاد پر اس کو تلاش کیا ہے۔ پولیس نے بعد ازاں مشتبہ شخص کے ویڈیو کا پتہ لگایا۔ جس کی بنیاد پر اس کو حراست میں لے لیا گیا۔