پی چدمبرم کا کہنا ہے کہ مرکزی حکومت کے پیش کردہ بجٹ میں ملک کی گرتی معیشت کو مستحکم بنانے کے لیے مؤثر اقدامات نہیں کیے گئے ہیں۔
انہوں نے موجودہ معاشی صورتحال کے متعلق تبصرہ کرتے ہوئے کہا کہ "بی جے پی نے بجٹ کو آئی سی یو میں پہنچا دیا ہے" حکومت کے پاس معیشت کو مضبوط بنانے کا کوئی لائحہ عمل نہیں ہی اور نہ ہی وہ اس میں بہتری لانے پر غور کر رہی ہے۔
کانگریس قائد نے کہا کہ بی جے پی تمام شعبوں کے بجٹ میں تخفیف کرتے ہوئے خود کو غریب طبقے کا دشمن ثابت کر چکی ہے موجود بجٹ سے سب سے زیادہ متاثر غریب اور روزانہ اجرت پر لام کرنے والے مزدور ہوں گے۔
انہوں نے کہا کہ کانگریس حکومت نے غریب کو پیٹ بھر کھانا فراہم کرنے کی غرض سے تغذیہ پالیسی عمل میں لاتے ہوئے اس کے بجٹ میں اضافہ کیا تھا لیکن بی جے پی نے اس میں تخفیف کرتے ہوئے غریب کے منہ سے حوالہ چھین لیا۔
پی چدمبرم نے کہا کہ ماہرین کی رائے کے ذریعے حکومت اس میں بہتری لا سکتی ہے لیکن وہ کسی سے رائے لینا عار سمجھتی ہے۔
