حیدرآباد:مکان میں آگ لگنے سے پانچ افراد جھلس گئے

حیدرآباد کے حیات نگر علاقہ کے قدیم مُنگنورعلاقہ کے ایک مکان میں آگ کے بھڑک اٹھنے کے نتیجہ میں آرمڈ ریزرو پولیس کانسٹیبل اور دیگر چار معمولی طورپر جھلس گئے۔

جھلسنے والوں کی شناخت 40 برس کے وینکٹیشورلو آرمڈ ریزرو کانسٹیبل، اس کی بیوی 35 برس کی اوما، بیٹا 8 برس کا پردیپ اور ان کے رشتہ دار26 سالہ پرساد و 22 سالہ ناگاراجو شامل ہیں۔

یہ واقعہ گھر میں داخلے کی تقریب کے موقع پر پیش آیا۔ پولیس کے مطابق شبہ کیاجاتا ہے کہ ایل پی جی سلینڈر سے گیس کے اخراج کے نتیجہ میں یہ واقعہ پیش آیا۔

عہدیداروں نے کہا کہ گھر کے افراد اس اخراج سے ناواقف تھے،پکوان کے علاقہ میں انہوں نے لیمپ کا سوئچ آن کیا جس کے نتیجہ میں فوری طورپر آگ بھڑک اٹھی۔ان تمام پانچ جھلسے ہوئے افراد کو ابتدائی طبی امداد پہنچائی گئی۔