PV Sindhu: حیدرآباد سٹی پولیس نے پی وی سندھو کا والہانہ استقبال کیا

بھارتی بیڈمنٹن کھلاڑی پی وی سندھو کا حیدرآباد سٹی پولیس نے گزشتہ روز پُرجوش استقبال کیا۔

ٹوکیو اولمپک میں کانسہ کا تمغہ جیتنے والی بھارتی بیڈمنٹن کھلاڑی پی وی سندھو کا حیدرآباد سٹی پولیس نے گزشتہ روز پُرجوش انداز میں استقبال کیا۔

اس دوران حیدرآباد سٹی کمشنر پولیس انجنی کمار کی کتاب کی رسم اجراء بھی کی گئی جس کا نام "دوسری لہر" ہے، اس موقع پر بھارتی بیڈمنٹن کھلاڑی پی وی سندھو کا حیدرآباد سٹی پولیس نے والہانہ استقبال کیا اور انہیں مبارکباد پیش کی۔

واضح رہے کہ ٹوکیو اولمپکس میں روانگی سے پہلے وزیر اعظم نریندر مودی نے ٹوکیو اولمپکس میں حصہ لینے والے تمام کھلاڑیوں سے بات کی تھی اور اسٹار بیڈمنٹن کھلاڑی پی وی سندھو کی جیت پر اعتماد کا اظہار کرتے ہوئے انہوں نے کہا تھا کہ آپ میڈل جیت کر آئیں اور میں آپ کے ساتھ آئس کریم کھاؤں گا۔