تلنگانہ میں یوم آزادی حیدرآباد منایا گیا

سابق ریاست حیدرآباد دکن کے ہند یونین میں انضمام کی یاد میں آج یوم آزادی حیدرآباد کی تقریب تلنگانہ کے مختلف حصوں میں منائی گئی۔

ستمبر1948میں نظام حکومت کے خلاف پولیس ایکشن کے ذریعے پیشرو حیدرآباد ریاست کو ہند یونین میں ضم کیا گیا تھا۔

مختلف جماعتوں کی جانب سے متعلقہ پارٹی دفاتر میں یہ دن منایاگیا۔حکمران جماعت ٹی آرایس نے تلنگانہ بھون میں اس دن کو منایا جہاں پارٹی کے کارگزار صدر و وزیر انفارمیشن ٹیکنالوجی کے تارک راما راو نے قومی پرچم لہرایا۔

بی جے پی کے ریاستی صدر کے لکشمن نے مرکزی وزیر پارلیمانی امور پرہلاد جوشی اور سابق گورنر مہاراشٹر سی ایچ ودیاساگر راو کی موجودگی میں تقاریب کے حصہ کے طورپر قومی پرچم لہرایا۔

بی جے پی کے صدر امت شاہ ان تقاریب میں شرکت کرنے والے تھے تاہم وہ شرکت نہیں کرسکے جس کے سبب پارٹی کے کارکنوں اور رہنماؤں میں مایوسی دیکھی گئی۔

تلنگانہ کانگریس کے ہیڈ کوارٹرس گاندھی بھون میں صدر تلنگانہ کانگریس اتم کمار ریڈی نے پرچم لہرایا۔ اس تقریب میں پارٹی کے رہنماؤں اور کارکنوں کی کثیر تعداد نے شرکت کی۔

سی پی آئی نے بھی یہ تقاریب منائیں۔اس موقع پر مختلف جماعتوں کے رہنماؤں نے ا س دن کی اہمیت کو اجاگر کیا۔