دہلی کی سرحد پر جاری کسانوں کے احتجاج کے دوران حیدرآباد کی کچھ فلمی ہستیاں اور سماجی تنظیموں نے بھی دھرنے میں حصہ لیا اور کسانوں کے مطالبات کی حمایت کی۔
احتجاجی کسانوں کی حمایت میں آئے حیدرآباد کے فلمی فنکار کاشتکاروں کو حمایت دینے پہنچے لوگوں کا کہنا تھا کہ یہ کسان ہیں کوئی دہشت گرد نہیں۔ ان کے ساتھ سرکار جس طرح کا رویہ اپنا رہی ہے وہ غیر ذمہ دارانہ ہے۔
مظاہرین نے کہا کہ سرکار کو کسانوں کی باتوں کو ماننا چاہیے اور تینوں قانون واپس لینا چاہیے۔ سرکار اگر کسانوں کے مطالبات کو نہیں مانے گی تو ہم اور بھی بڑی تعداد میں سرکار کی مخالفت میں اتریں گے اور کسانوں کی حمایت کریں گے۔
نوئیڈا کی چلا سرحد پر احتجاجی کسانوں کو حمایت دینے حیدرآباد کی فلمی فنکار لکشمی پاروتی جو تلنگانہ کی فلموں میں کام کر رہی ہیں، ان کا کہنا ہے کہ کسانوں کی مانگ جائز ہے اور ہم ان کی حمایت کرتے ہیں۔ انہوں نے کہا کہ ہم آئندہ بھی کسانوں کو اپنی حمایت جاری رکھیں گے۔
احتجاجی کسانوں کی حمایت میں آئے حیدرآباد کے فلمی فنکار اسی کے ساتھ حیدرآباد سے آئی کچھ سماجی تنظیموں نے بھی کسان یونین کے بھانو گروپ کی حمایت کی اور کہا کہ آنے والے وقت میں ہم لوگ تلنگانہ سے اور بڑی تعداد میں کسانوں کی حمایت میں نوئیڈا سرحد پر آئیں گے اور سرکار کے خلاف پُرزور احتجاج کریں گے۔
بھارتیہ کسان یونین بھانو گروپ کی حمایت میں ہفتہ کے روز تلنگانہ سے نوئیڈا آئے فلمی فنکاروں کے ساتھ ہی سماجی تنظیموں نے کہا کہ یہ مظاہرین کسان ہیں اور یہ ملک کی شان ہیں۔ انہیں جو لوگ دہشت گرد کہہ رہے ہیں وہ پوری طرح سے غلط ہیں۔ یہ لوگ پُرامن طریقے سے سرکار کے سامنے اپنی مانگ رکھ رہے ہیں، جسے سرکار کو ماننا چاہئے۔
مزید پڑھیں:
سماجی تنظیموں نے کہا کہ تینوں زرعی قانون واپس لینا چاہیے۔ اگر سرکار اپنی ضد پر رہی تو ہم کسانوں کے ساتھ مل کر سرکار سے آر پار کی لڑائی لڑیں گے۔
