حیدرآباد: خاتون نے 3 سالہ بچہ کو دو منزلہ عمارت سے پھینک دیا

تلنگانہ کے حیدرآباد میں ایک دل دہلانے والا واقعہ پیش آیا جس میں ایک خاتون نے مبینہ طور پر تین برس کے بچہ کو دو منزلہ عمارت سے نیچے پھینک دیا۔

حیدرآباد میں ایک معصوم بچہ محمد نعمان کی موت کا ذمہ دار اس کی چاچی کو بتایا جارہا ہے۔ عیدی بازار علاقہ میں 3 سالہ محمد نعمان کو اس کی سگی چاچی نے دو منزلہ عمارت سے نیچے ڈھکیل دیا۔

نعمان کی خالہ نے بتایا کہ ان کی بہن کی دیورانی عائشہ کی شادی گذشتہ ایک سال قبل ہوئی تھی۔ وہ بچے نہ ہونے کی وجہ سے اکثر دلبرداشتہ رہتی اور وہ ہمیشہ نعمان کو نقصان پہنچانے کی فراغ میں رہتی تھی۔ انہوں نے بتایا کہ عائشہ نے آج نعمان کو گھر کی دوسری منزل سے نیچے پھینک دیا جس کی وجہ سے نعمان کی موت ہوگئی۔ انہوں نے عائشہ کو سخت سزا دینے کا مطالبہ کیا۔