ہنر کو مناسب قیمت نہ ملنے سے معاشی حالات خراب

حیدرآباد میں ایک ایسا قبیلہ آباد ہے جس کے ہاتھوں میں جادو ہے۔ ان کا ہنر ایسا ہے کہ جس چیز پر ہاتھ لگا دیتے ہیں وہ نکھر جاتی ہے۔ لیکن ان کی زندگی آج بھی بکھری ہوئی ہے۔ یہ لوگ دن - رات محنت کرتے ہیں، بانس اور ناریل کے پتوں سے گھریلو سامان تو بنا دیتے ہیں، لیکن ان کو واجب قیمت نہیں ملنے سے آج بھی ان کے معاشی حالات خراب ہیں۔

حیدرآباد کے علاقہ نامپلی میں تقریباً 150 سے زیادہ خاندان تقریباً 25 برسوں سے بانس سے گھریلو چیزیں بنانے کا کام کر رہے ہیں۔ وہ بانس کے ذریعے طرح طرح کے سازوسامان بناتے ہیں، جو دیکھنے میں بہت ہی خوبصورت اور استعمال میں عمدہ ہوتی ہے۔ لیکن بنانے والوں کی زندگی آج بھی جس کی تس ہے۔ 25 برس گزر چکے ہیں لیکن ان کے حالات میں کوئی تبدیلی نظر نہیں آتی ہے۔

جو گزشتہ 25 برسوں سے بانس کا کام کررہا ہے۔ یہ بانس اور ناریل کے درخت کے پتوں سے شادی کی تقریب کے منڈپ، لکڑی کا پردہ، ٹوکریاں جیسے دیگر سامان تیار کرتے ہیں۔ یہ سال کے 12 مہینے سیزن کے مطابق سامان بناتے ہیں۔

لکڑی کا پردہ جس کو چلمن بھی کہا جاتا ہے، جسے لوگ گرمی کے موسم میں ٹھنڈک کے لیے گھر کے دروازے اور بالکنی کے باہر استعمال کرتے ہیں۔ یہ کام پورا خاندان کرتا ہے اور ہاتھ سے سب کچھ تیار کیا جاتا ہے۔ شادی بیاہ کے سیزن کے اختتام کے بعد یہ لوگ ٹوکریاں بناتے ہیں، اور مختلف انداز میں ٹوکریاں تیار کی جاتی ہیں۔

ہنر کو واجب قیمت نہیں ملنے سے معاشی حالات خراب

یہ قبیلہ بڑی محنت سے اپنے ہاتھوں سے بہت خوبصورت سامان تو بنا دیتا ہے، لیکن ان کے ہاتھوں بنائے گئے سامان کی واجب قیمت نہیں مل پاتی ہے، جس سے ان کی معاشی حالات خراب ہیں۔ یہ قبیلہ 50 سال سے روڈ کنارے جھونپڑیوں میں زندگی گزر بسر کرتے آرہے ہیں۔

ہنر کو واجب قیمت نہیں ملنے سے معاشی حالات خراب

گزشتہ برس گیس سلینڈر بلاسٹ ہونے کی وجہ سے کئی جھونپڑیاں جل کر خاکستر ہوگئی تھیں، جس کے بعد حکومت نے ان کے لیے پکے مکانات بنوانے کا وعدہ کیا تھا، لیکن ابھی تک وعدے پورے نہیں کیے گئے۔