'حکومت فوری طور پر حاجیوں کے لیے فنڈ جاری کرے'

ریاست تلنگانہ کے بی جے پی کے رکن حنیف علی نے کہا کہ حج انتظامی اجلاس کے دوران وزرا کی موجودگی میں وقف بورڈ اور حج کمیٹی کے اراکین کے مابین تکرار افسوسناک بات ہے۔

تلنگانہ بی جے پی اور سینٹرل وقف بورڈ رکن حنیف علی نے کہا کہ ریاستی حکومت نے ابھی تک حاجیوں کے لیے کسی طرح کا فنڈ جاری نہیں کیا ہے جبکہ 26 جولائی سے حاجیوں کے قافلوں کی روانگی شروع ہو جائے گی۔

انہوں نے ریاست حکومت کو انتباہ دیا کہ وہ فوراً حاجیوں کے لیے فنڈ مہیا کرائے ورنہ مسلم برادری خود ہی چندہ کرکے حاجیوں کے لیے انتظامات کر لے گی۔

اسی کے ساتھ ہی انہوں نے میٹنگ میں وقف بورڈ اور حج کمیٹی کے اراکین کے مابین ہونے والی حجت و تکرار کو انتہائی بدبختانہ قرار دیا۔

حنیف علی نے کہا کہ کے سی آر حکومت نے گزشتہ برس نومبر کے بعد سے اب تک اقلیتوں کے لیے کسی بھی طرح کا بجٹ جاری نہیں کیا۔