'حکومت تلنگانہ کورونا کو روکنے میں ناکام'

نلگنڈہ کے رکن پارلیمان اتم کمار ریڈی نے کہا کہ حکومت نے کورونا معاملے میں ان کی تجاویز کو نظرانداز کردیا۔

تلنگانہ کانگریس کے صدر اتم کمار ریڈی نے الزام لگایا کہ حکومت تلنگانہ کورونا وائرس کی روک تھام کے اقدامات کرنے میں مکمل طور پر ناکام رہی۔

تلنگانہ کانگریس کے صدر اور نلگنڈہ کے رکن پارلیمان اتم کمار ریڈی نے کہا کہ حکومت نے کورونا معاملے میں ان کی تجاویز کو نظرانداز کردیا۔

انھوں نے کہا کہ حزب اختلاف کے طور پر 'ہماری ذمہ داری کے تحت ہم نے کورونا کو روکنے کے سلسلے میں کچھ مشورے حکومت کو دئے تھے جسے وزیراعلی کے چندرشیکھرراو نے نظرانداز کردیا'۔

اتم نے کہا کہ حیدرآباد کے چیسٹ ہسپتال میں کورونا متاثر کی آکسیجن کی عدم فراہمی کے سبب موت ہوگئی، جسے حکومت نے جھٹلادیا۔

انھوں نے ضلع سریاپیٹ میں میڈیا سے بات کرتے ہوئے الزام لگایا کہ ضلع کے کچھ پولیس اہلکار کانگریس کارکنوں کو ہراساں کررہے ہیں۔

دوسری جانب وزیر صحت ایٹالہ راجندر دعوی کررہے ہیں کہ تلنگانہ میں علاج کی مکمل سہولت ہے اور متاثرین کو پریشان ہونے کی ضرورت نہیں۔اس کے علاوہ حکومت نے دوبارہ کورونا ٹیسٹ کرنے کا پروگرام شروع کیا ہے۔