حیدرآباد: پیسٹ کی شکل میں پیٹھ میں ٹیپ کے ذریعہ چپکا کر لائے گئے سونے کو ایک مسافر کے پاس سے شمس آباد ایرپورٹ کے کسٹم حکام نے ضبط کر لیا۔ یہ خاتون مسافر فلائٹ نمبر6E 025 کے ذریعہ حیدرآباد پہنچی تھی۔ اس ضبط شدہ 268.400 گرام زرد دھات کی مالیت 13,73,403 روپے ہے۔ Customs Department Gold Seized in Hyderabad
اس خاتون مسافر کو حراست میں لیتے ہوئے اس سے پوچھ گچھ کی جارہی ہے تاکہ یہ پتہ چلایا جاسکے کہ کس کے ایما پر اس خاتون نے سونے کی اسمگلنگ کی کوشش کی۔ واضح رہے کہ حالیہ دنوں کے دوران اس ایرپورٹ پر سونے کی اسمگلنگ کے بیشتر واقعات کو کسٹم کے حکام نے اپنی چوکسی سے ناکام بنا دیا ہے۔