Godavari River Water Level Rises بھدراچلم میں دریائے گوداوری کی سطح میں اضافہ

بھدراچلم کے بالائی علاقوں میں گزشتہ 24 گھنٹوں سے شدید بارش ہو رہی ہے۔ گوداوری کی سطح آب میں بتدریج اضافہ کی وجہ سے بھدراچلم میں کئی مقامات پر ٹریفک میں خلل پڑا ہے۔ Rise in Godavari river level at Bhadrachalam

حیدرآباد:تلنگانہ کے بھدراچلم میں گزشتہ 24 گھنٹوں میں دریائے گوداوری کی سطح میں مسلسل اضافہ ہو رہا ہے اور بالائی علاقوں میں شدید بارش ہو رہی ہے۔ حکام نے تیسرے خطرے کی وارننگ جاری کی ہے۔ عہدیداروں نے بتایا کہ پانی کی سطح میں مزید اضافہ کا امکان ہے۔ گوداوری کی سطح آب میں بتدریج اضافہ کی وجہ سے بھدراچلم میں کئی مقامات پر ٹریفک میں خلل پڑا ہے۔

بھدرادری دیوستھا م کلیا نہ کٹہ مکمل طور پر ڈوب گیا ہے۔ حکام نے بھدراچلم آر ٹی سی ڈپو سے چرلا اوردیگر مقامات کو جانے والی بس خدمات کو روک دیا ہے۔ بھدرادری کلکٹر ا ودیپ نے کہا کہ گوداوری، فی الحال خطرے کی تیسری سطح سے 54.60 فٹ پر بہہ رہی ہے، انہوں نے نچلے علاقوں میں رہنے والوں کو چوکس کردیاہے۔ کلکٹرنے مشورہ دیا کہ سیلاب زدہ علاقوں میں مویشیوں کو چر نے کی اجازت نہ دی جائے اور ماہی گیرمچھلی پکڑنے کے لئے نہ جائیں۔

یو این آئی