GIO Hyderabad Protests Against Hijab Ban: حجاب پر پابندی کا معاملہ، حیدرآباد میں لڑکیوں کا احتجاجی مظاہرہ

کرناٹک ضلع اڈوپی کے بعد اب کندا پورا کے دو سرکاری اور ایک پرائویٹ کالج کے ذمہ داران نے باحجاب طالبات کے کالج میں داخلے پر پابندی عائد Hijab Banned in Colleges of Karnataka کر دی ہے جس کے خلاف حیدرآباد میں مسلم لڑکیوں نے مظاہرہ کیا۔ GIO Hyderabad Protests Against Hijab Ban

گرلز اسلامک آرگنائزیشن آف انڈیا Girls Islamic Organization of India کی جانب سے ٹولی چوکی قطب شاہی ٹوبیز روبرو انسانی چین بنائی گئی اور پر امن احتجاج کیا گیا۔GIO Hyderabad Protests Against Hijab Ban

اس موقع پر گرلز اسلامک آرگنائزیشن آف انڈیا حیدر آباد کی میڈیا کوآرڈینیٹر فائزہ بیگم نے کہا کہ حجاب پہن کر تعلیم حاصل کرنا ہمارا حق ہے، اس پر پابندی عائد نہ کریں اور جن طلبا کو گرفتار کیا گیا ہے انھیں جلد از جلد رہا کیا جائے۔ انہوں نے کہا کہ حجاب پہننے پر پابندی عائد کرنے کی کوشش کی جارہی ہے، کورٹ اس معاملے میں فیصلہ کرے اور حجاب پہننے کی اجازت دے-

آفرین نے کہا کہ حجاب پہننا ہمارا جمہوری حق ہے اور جس طرح دوسرے مذہب کے لوگوں کو اپنے مذہب پر چلنے کی آزادی ہے اسی طرح مسلمانوں کو اسلام پر چلنے کی اجازت ہے۔ جس طرح ہندو طلباء ماتھے پر تلک لگا کر تعلیمی اداروں میں آ سکتے ہیں تو اسی طرح مسلمان لڑکیاں حجاب پہن کر تعلیم حاصل کر سکتی ہیں- اس مظاہرے میں بڑی تعداد میں طالبات اور خواتین نے حصہ لیا۔