جی ایچ ایم سی انتخابات کےلیے حلقہ اسمبلی کاروان کے ڈیویژنز میں مقامی رکن اسمبلی کوثر محی الدین نے مجلس کے حق میں مہم چلائی۔ انہوں نے ٹولی چوکی میں ایک پارٹی آفس کا بھی افتتاح انجام دیا۔
اس موقع پر کوثر محی الدین نے پارٹی کارکنوں کے ساتھ ایک اجلاس منعقد کیا۔ انہوں نے کہا کہ مجلس نے 5 سال تک عوام کے درمیان رہ کر کام کیا ہے۔ لاک ڈاون اور سیلاب متاثرین کی مالی مدد کی گئی، میڈیکل کیمپ منعقد کئے گئے۔
انہوں نے کہا کہ بلدی انتخابات میں بی جے پی کےلیے مہم چلانے کےلیے گجرات، کرناٹک، مدھیہ پردیش اور دیگر ریاستوں پارٹی رہنما حیدرآباد آرہے ہیں اس کے باوجود مجلس کو کامیابی حاصل ہوگی۔
رکن اسمبلی نے کہا کہ ٹی آر یس کی جانب سے پرانے شہر کے 12 ڈیویژنز پر کامیابی کا دعویٰ کیا جارہا ہے لیکن حیدرآباد کے عوام مجلس کے حق میں ووٹ دیکر پارٹی کو کامیاب بنائیں گے۔ انہوں نے کہا کہ پرانے شہر میں بی جے پی، کانگرس اور ٹی آر یس کو شکست کا منہ دیکھنا پڑے گا۔ اس موقع پر حلقہ کاروان کے امیدوار سومی یادوں، نالہ نگر کے محمد نصیرالدین، ٹولی چوکی کی امیدوار ڈاکٹر عائشہ حمیرا اور گولکنڈہ کی امیدوار ثمینہ یاسمین موجود تھیں۔