آندھرا پردیش کے اننت پور ضلع کے سیٹور ڈویژن کے ملکالیڈو گاؤں میں گیس سلنڈر پھٹنے سے مکان کی چھت گرنے سے ایک ہی کنبہ کے چار افراد کی موت ہو گئی اور دو دیگر زخمی ہو گئے۔ پولیس نے بتایا کہ مرنے والوں کی شناخت دادو (35)، شرفانہ (30)، فیروز (6) اور جہاں بی کے طور پر کی گئی ہے۔ پولیس نے مقدمہ درج کرکے لاشوں کو پوسٹ مارٹم کے لیے یہاں کے سرکاری جنرل اسپتال بھیج دیا ہے۔Cylinder Explosion in Andhra Pradesh
آج حیدرآباد میں بھی آگ لگنے کا واقعہ پیش آیا۔ حیدرآباد کے نانک رام گوڑہ میں واقع گرین باورچی ہوٹل میں اچانک آگ لگ گئی۔ہفتہ کی دوپہرپیش آئے اس واقعہ میں آگ کے ساتھ کثیف دھواں بھی دیکھاگیا۔آگ لگتے ہی ہوٹل میں موجود گاہکوں کے ساتھ ساتھ اسٹاف اپنی جان بچانے کے لئے دوڑپڑے۔ تاہم اس میں جانی نقصان نہیں ہوا مگر مالی نقصان بہت زیادہ ہوا۔