Mallu Bhatti Vikramarka on Punjab: پانچ ریاستوں کے انتخابات کے نتائج کا تلنگانہ کی سیاست پر کوئی اثر نہیں پڑے گا'

تلنگانہ کانگریس مقننہ پارٹی کے رہنما ملو بھٹی وکرمارکا نے کہا کہ پانچ ریاستوں کے اسمبلی نتائج کا تلنگانہ کی سیاست پر کوئی اثر نہیں پڑے گا۔ Mallu Bhatti Vikramarka on Punjab

سی ایل پی لیڈر نے کہا کہ انتخابات میں سیاسی جماعتوں کےلیے کامیابی اور شکست معمول کی بات ہے۔ پنجاب میں کانگریس پارٹی کئی برسوں تک برسر اقتدار رہی لیکن امریندر سنگھ وزیراعلی کی حیثیت سے ناکام ثابت ہوئے جس کا اثر کانگریس پارٹی پر پڑا ۔ Mallu Bhatti Vikramarka on Punjab

انہوں نے کہا کہ پنجاب میں کانگریس رہنماوں نے مرض آنے سے پہلے ہی دوائی لے لی تھی۔ امریندر سنگھ طویل عرصہ تک وزیر اعلی برقرار رہے لیکن وہ عوام کی توقعات پر پورے اتر نہیں سکے۔

انہوں نے کہا کہ تلنگانہ میں کانگریس پارٹی متحد ہے اور رہنماوں کے درمیان کوئی اختلافات نہیں ۔ انہوں نے کہا کہ کسی بھی مسئلہ پر اختلاف رائے ہر پارٹی میں موجود ہوتا ہے لیکن کانگریس پارٹی مجموعی طور پر تلنگانہ میں مضبوط اور مستحکم ہے۔