حیدرآباد: گودام میں بھیانک آتشزدگی، لاکھوں کا سامان جل کر خاکستر

حیدرآباد کے بہادر پورہ علاقے میں واقع گوداموں میں بڑے پیمانے پر آتشزدگی کے سبب لاکھوں روپے مالیت کا سامان جل کر خاکستر ہوگیا۔

یہ واقعہ گزشتہ شب پیش آیا جس میں کسی کے جھلسنے یا پھر کسی کی موت کی کوئی اطلاع نہیں ہے۔

محکمہ فائر کے عہدیداروں کے مطابق یہ واقعہ تقریباً 12.30 بجے ایک گودام میں پیش آیا جس کے بعد آگ نے دیکھتے ہی دیکھتے دیگر گوداموں کو اپنی لپیٹ میں لے لیا۔

آگ کے ساتھ دھواں بھی نکل رہا تھا۔ اطلاع کے ساتھ ہی بہادر پورہ پولیس وہاں پہنچی جس نے فائر کنٹرول روم کو چوکس کیا۔

بعد ازاں گولی گوڑہ اور چندولال بارہ دری فائر بریگیڈ کے اہلکار وہاں پہنچے جنہوں نے آگ پر قابو پانے کی جدوجہد کی۔ تاہم آگ کی سنگینی زیادہ ہونے کی وجہ سے مزید فائر بریگیڈس کو طلب کیا گیا۔ آگ بجھانے کے لئے تقریباً تین گھنٹے لگے۔ عہدیدار اس واقعہ کی وجہ معلوم کرنے کی کوشش کر رہے ہیں۔

یو این آئی