حیدرآباد: شہر حیدرآباد کے حبشی گوڑہ علاقہ میں ایک شاپنگ کامپلکس میں بڑے پیمانہ پر آگ لگ گئی۔ یہ واقعہ آج صبح کی اولین ساعتوں میں پیش آیا۔ فائربریگیڈ کے عہدیداروں کے مطابق یہ آگ رسٹورنٹ میں لگی جو کپڑوں کے شوروم میں پھیل گئی جو کامپلکس کی دوسری منزل پر واقع ہے۔آگ نے دیکھتے ہی دیکھتے دیگر دکانات کو بھی اپنی لپیٹ میں لے لیا۔
اطلاع ملتے ہی فائربریگیڈ اور ڈی آر ایف کے عہدیدار وہاں پہنچ گئے جنہوں نے آگ بجھانے کا کام کیا۔ پولیس نے فائر بریگیڈ کے اہلکاروں کو بھی طلب کرلیا۔ اس واقعہ کے ساتھ ہی کامپلکس سے کثیف دھواں بھی نکل رہا تھا جس سے اطراف کے علاقوں کو متاثر کیا۔ احتیاطی طور پر پٹرول پمپ کو عارضی طور پر بند کردیا گیا۔ اس واقعہ میں کسی جانی نقصان یا پھر کسی کے جھلسنے کی کوئی اطلاع نہیں ملی ہے۔پولیس نے شبہ ظاہر کیاکہ شارٹ سرکٹ آگ لگنے کی وجہ ہے۔