ایمبولینس حادثے کا شکار، باپ بیٹے کی موت

تیز رفتار ایمبولینس نے سڑک پر کھڑی لاری کوٹکر مار دی ، اس حادثے میں باپ اور بیٹے کی موت ہو گئی ۔

ریاست تلنگانہ کے ضلع نلگنڈہ میں پیش آئے سڑک حادثہ میں باپ بیٹے کی موت ہوگئی۔ یہ حادثہ داما چرلہ منڈل کے کونڈروپال کے قریب پیش آیا۔

معلوم ہوا ہے کہ نیلورسے تعلق رکھنے والے75برس کے نند گوپال ریڈی کی صحت ٹھیک نہیں تھی، اورانھیں ان کا بیٹا 48 سالہ کملا کرریڈی ایمبولینس کے ذریعہ حیدرآباد کے ہسپتال کو منتقل کررہا تھا کہ راستے میں ایمبولینس نے لاری کو ٹکردے دی۔ اس حادثہ میں باپ بیٹا موقع پر ہی ہلاک ہوگئے۔ ایمبولینس ڈرائیور شدید زخمی ہے جسے گنٹور ضلع ہسپتال میں داخل کیا گیا۔