تعمیراتی کام روکنے والے کسان گرفتار

آندھرا پردیش کے نئے سیکریٹریٹ کے تعمیراتی کام جاری ہیں، سیکریٹریٹ کی طرف جانے والی سڑک کے تعمیراتی کاموں پر روک لگائے جانے پر پولیس نے احتجاجی کسانوں کو گرفتار کیا۔

ضلع گنٹور کے ویلا گوڑی میں بنائی جارہی سڑک کو لیکر جی میرا پرساد نامی شخص نے دعوی کیا ہیکہ یہ اراضی ان کی ملکیت ہے جہاں سڑک کی تعمیر کی جارہی ہے۔
اس ضمن میں انھوں نے عدالت میں عرضی بھی دی ہے اور عدالت نے اس معاملہ پر روک لگائی ہے،اس کے باوجود سڑک بنائی جارہی ہے۔
انھوں نے کہا کہ محکمہ سی آر ڈی او یہاں غیر قانونی طور پر کام انجام دے رہا ہے۔
دوسری جانب مذکورہ محکمہ کا کہنا ہیکہ عدالت کی ہدایت پر ہی کام انجام دئے جارہے ہیں۔