لاک ڈاؤن میں توسیع نے مزدوروں کو مزید پریشان کردیا

لاک ڈاون کی میعاد میں توسییع کی وجہ سے شہر حیدرآباد میں مقیم غیر ریاستی مزدور اپنے گھر جانے کی کوششیں کررہے ہیں۔

حکومت کی جانب سے گھر جانے کی سہولیات نہ ملنے پر یہ مزدور اپنے اہل خانہ کے ساتھ پیدل ہی اپنی منزل کی جانب نکل گئے، ان مزدوروں کے ساتھ خواتین اور بچے بھی شامل ہیں۔

مہاجر مزدور مزید پریشان

لاک ڈاون کی وجہ سے پریشان ہوکر مزدور اب ہجرت کرنے پر مجبور ہیں حالانکہ حکومت کی جانب سے انہیں روکنے کے لیے تمام تر کوششیں کی جارہی ہیں لیکن مزدوروں کا کہنا ہےکہ انہیں بڑے شہروں میں مشکلات کا سامنا کرنا پڑ رہا ہے ان کے پاس نہ کھانے کو کچھ ہے اور نہ رہنے کے لیے گھر اور روزگار بھی بند ہے-

حکومت تلنگانہ نے مزدوروں کے لیے ٹرینوں کا انتظام کیا ہے لیکن وہ ناکافی ثابت ہو رہا ہے کئی مزدوروں کی راستہ میں ہی بھوک کی وجہ سے موت کا شکار ہو رہے ہیں۔

کچھ فلاحی تنظیمیں ان مزدوروں کی مدد کررہی ہیں، ممبئی ہائی وے کے قریب کانگریس قائد آصف حسین سہیل نے اپنی جانب سے ان مزدوروں کو کھانا، دوائیاں، ماسک اور پانی تقسیم کیا۔