سابق وزیر کے فرزند کی پٹائی

تلنگانہ کے شہر حیدرآباد میں نشہ کی حالت میں گاڑی چلاتے ہوئے بائیک سوار کو ٹکر مارنے والے سابق وزیر کے فرزند کی لوگوں نے پٹائی کر دی۔

ریاست تلنگانہ کے شہر حیدرآباد میں نشہ کی حالت میں گاڑی چلاتے ہوئے بائیک سوار کو ٹکر مارنے والے سابق وزیر کے فرزند کی لوگوں نے پٹائی کر دی۔

تفصیلات کے مطابق آندھرا پردیش کے سابق وزیر بی ستیہ نارائن کے فرزند اپلا نائیڈو نے کار کے ذریعہ ہلچل مچادی۔ وشاکھاپٹنم کے بیچ روڈ پر حالت نشہ میں تیز رفتار کار چلاتے ہوئے انہوں نے اپنا توازن کھو دیا۔ جس کے نتیجہ میں یہ کار بائیک سوار سے ٹکرا گئی۔ اس حادثہ میں بائیک سوار زخمی ہوگیا۔ اس کے بعد کار ڈیوائیڈر پر چڑھ گئی اور وہاں لگائے گئے پوٹی سری راملو کے مجسمہ کو نقصان پہنچا۔

حادثہ کے وقت وہاں پر چہل قدمی کرنے والے نہ ہونے کے سبب ایک بڑا حادثہ ٹل گیا، ورنہ چہل قدمی کرنے والوں کے بھی زخمی ہونے کا امکان تھا۔ اس حادثہ کے فوری بعد مقامی افراد نے اپلا نائیڈو کو پکڑ کر ان کی پٹائی کر دی۔ اس کے بعد نائیڈو وہاں سے چلے گئے۔ اس حادثہ میں کار کو بھی شدید نقصان پہنچا ہے۔