تلنگانہ کے سوریہ پیٹ ضلع میں زلزلے کے ہلکے جھٹکے محسوس کئے گئے۔ضلع کے ویلاچیروو،چنتالاپالم منڈلز میں جمعے کی شب 11.30بجے بھاری آوازوں کے ساتھ یہ جھٹکے محسوس کیے گئے۔ جس کے ساتھ ہی لوگ خوف کے عالم میں گھروں سے باہر نکل گئے۔
کئی افراد نے اپنے گھروں کے باہر ہی رات گزاری۔کئی افراد کو اپنے رشتہ داروں کی فون پر خیریت معلوم کرتا ہوا دیکھاگیا۔ان جھٹکوں سے کسی بھی قسم کے جانی یا مالی نقصان کی کوئی اطلاع نہیں ملی ہے۔متعلقہ محکمے نے زلزلہ کی پیمائش کی ہنوز توثیق نہیں کی۔