دسہرہ اور بتکماں تہوار منانے کے لیے تلنگانہ کے دارالحکومت حیدرآباد سے عوام کی بڑی تعداد اپنے آبائی مقامات کے لیےروانہ ہورہی ہے جس کے لئے عوامی ٹرانسپورٹ کا استعمال کیا جارہا ہے۔
بتکماں اور دسہرہ کے ساتھ ساتھ ہفتہ اور اتوار ہونے کی وجہ سے متعدد لوگ اپنے آبائی مقامات کے لیے روانہ ہورہے ہیں جس کے پیش نظر شہر کے مختلف بس اسٹینڈس، ریلوے اسٹیشنوں پر عوام کا ہجوم دیکھاجارہا ہے۔ ایم جے بی ایس، جے بی ایس، اُپل رنگ روڈ پر عوام کا اژدھام دیکھا جارہا ہے۔
اپنی خود کی گاڑیوں پر اپنے آبائی مقامات کو جانے والے افراد کی تعداد زائد ہونے کے سبب اہم شاہراہوں پر گاڑیوں کی تعداد میں اضافہ ہوگیا ہے۔
عہدیداروں نے امید ظاہر کی کہ گزشتہ برسوں کے مقابلہ اس مرتبہ آرٹی سی کو زائد آمدنی ہوگی۔کارپوریشن بتکماں اور دسہرہ تہواروں کے لئے 4036زائد بسیں چلارہا ہے۔ان میں 3805بسیں تلنگانہ کے 31اضلاع اور950بسیں پڑوسی ریاستوں اے پی، مہاراشٹر اورکرناٹک کے لئے چلائی جارہی ہیں۔
آرٹی سی نے مسافرین کے لئے دسہرہ پیکیج کااعلان کیا ہے۔ آرٹی سی نے خصوصی سل بھی قائم کئے ہیں جہاں پر سفر کے سلسلہ میں معلومات فراہم کی جارہی ہیں۔ریاست میں اسکولس کو دسہرہ کی تعطیلات کا اعلان کردیاگیا ہے۔
یواین آئی