ٹی ہریش راؤ نے کہا کہ گورنمنٹ ہسپتالوں میں ڈاکٹرز کے وقت پر حاضر نہ ہونے کی کئی شکایتیں وصول ہورہی ہیں۔ جس سے مسائل پیدا ہورہے ہیں، اس مسئلہ پر فوری توجہ دینے کی اعلیٰ عہدیداروں کو ہدایت دی۔
محکمہ صحت کے مختلف مسائل اور ان کے حل لیے عہدیداروں سے تجاویز طلب کیں۔ بالخصوص آروگیہ شری اور ملازمین کی ہیلت اسکیم پر نگرانی کیلئے ( سی ای او) کی عدم موجودگی سے پیش آنے والی دشواریوں کا جائزہ لیا۔
یہ بھی پڑھیں:چندرا بابو نے تیلگودیشم رہنماؤں کی گرفتاری کی مذمت کی
عہدیداروں نے انہیں مخلوعہ جائیدادوں کی طرف توجہ دلائی۔ اجلاس میں نئے ہسپتالوں کی تعمیرات اور نئے میڈیکل کالجس کے قیام کے ساتھ ہی ضرورت کے مطابق عملہ کے تقررات وغیرہ پر تبادلہ خیال کیا۔ اس اجلاس سے قبل گورنمنٹ میڈیکل ڈاکٹرز اسوسی ایشن کے رہنماوں نے ہریش راؤ سے ملاقات کرتے ہوئے مسائل سے واقف کرایا جس پر ہمدردانہ غور کا وزیر صحت نے تیقن دیا۔
