Owaisi Challenge To Modi Govt ہمت ہے تو چین پر سرجیکل اسٹرائیک کرو، اوسی کا بی جے پی کو چیلنج

ریاست تلنگانہ کے ضلع عادل آباد میں اے آئی ایم آئی ایم کے سربراہ اسد الدین اویسی نے مودی حکومت اور وزیر داخلہ امت شاہ کے خلاف شدید حملہ کیا۔ اس دوران انہوں نے مودی حکومت کو چین پر سرجیکل اسٹرائیک کرنے کا چیلنج دیا۔ Asaduddin Owaisi on china surgical strike

حیدرآباد: کل ہند مجلس اتحاد المسلمين کے سربراہ اسد الدین اویسی نے تلنگانہ کے عادل آباد میں ایک جلسہ عام سے خطاب کرتے ہوئے مودی حکومت اور امت شاہ کو نشانہ بنایا۔ اس دوران انہوں نے مودی حکومت اور وزیر داخلہ امت شاہ کو چیلنج کیا اور امت شاہ پر دو برادریوں کے درمیان تفریق کرنے کا بھی الزام لگایا۔ اویسی کی تقریر کا ایک ویڈیو سوشل میڈیا پر وائرل ہو رہا ہے۔ اس میں ان کی تقریر کا ایک حصہ ہے۔ جاری کردہ ویڈیو میں اویسی نے بھارت چین سرحدی تنازع پر بی جے پی حکومت کو چیلنج کیا۔ انہوں نے کہا کہ ''چین دو ہزار کلومیٹر زمین پر قابض ہے۔ اگر آپ میں ہمت ہے تو اسے واپس کرو۔ اگر آپ میں ہمت ہے تو چین پر سرجیکل اسٹرائیک کرو۔''

اویسی نے امت شاہ پر شدید نکتہ چینی کی اور ان پر دو برادریوں کے درمیان تفریق کا الزام لگایا۔ انہوں نے کہا کہ مندروں کے لیے کروڑوں روپے منظور کیے گئے اور وہ (امیت شاہ) کہتے ہیں کہ اسٹیئرنگ میرے ہاتھ میں ہے۔ اسٹیئرنگ میرے ہاتھ میں ہے تو بی جے پی والے کیوں تکلیف میں ہیں؟ ان کا کہنا ہے کہ بی جے پی حیدرآباد کے پرانے شہر میں سرجیکل اسٹرائیک کی بات کہتی ہے۔ ہمت ہے تو چین پر سرجیکل اسٹرائیک کرو۔ اسدالدین اویسی نے حال ہی میں نئی ​​دہلی میں پارلیمنٹ کی نئی عمارت کے افتتاح پر حکومت کو آڑے ہاتھوں لیا۔ انہوں نے کہا تھا کہ پی ایم مودی کو نئے پارلیمنٹ ہاؤس کی عمارت کا افتتاح نہیں کرنا چاہئے۔ اگر لوک سبھا کے اسپیکر اوم برلا نئے پارلیمنٹ ہاؤس کا افتتاح نہیں کریں گے تو ہم تقریب میں شرکت نہیں کریں گے۔